1 Եւ նա ինձ ցոյց տուաւ ա մեծ քահանայ Յեսուին, որ կանգնել էր Տիրոջ հրեշտակի առաջին. Եւ բ սատանան կանգնել էր նորա աջ կողմին նորան հակառակելու համար։ 2 Եւ Տէրն ասեց սատանային. գ Տէրը քեզ յանդիմանէ, ով սատանայ, եւ Տէրը քեզ յանդիմանէ որ ընտրել է դ Երուսաղէմին. ե մի՞թէ սա կրակիցն ազատուած խանձող չէ։
3 Եւ Յեսու զ կեղտոտ հագուստներ էր հագել եւ կանգնել հրեշտակի առաջին։ 4 Եւ նա պատասխանեց ու ասեց իր առաջը կանգնողներին թէ Հեռացրէք նորա վերայից այդ կեղտոտ հագուստները. Եւ նորան ասեց. Տես՝ ես քո վերայից վեր առայ քո անօրէնութիւնը, եւ է քեզ պատուական զգեստներ եմ հագցնում։ 5 Եւ ես ասեցի, որ ը նորա գլխին մաքուր խոյր դնեն. Եւ մաքուր խոյր դրին նորա գլխին եւ հանդերձներ հագցրին նորան. Եւ Տիրոջ հրեշտակը կանգնած էր։
6 Եւ Տիրոջ հրեշտակը վկայեց Յեսուին եւ ասեց. 7 Այսպէս է ասում Զօրաց Տէրը. Եթէ իմ ճանապարհներովը գնաս, եւ եթէ թ իմ պահպանութիւնը պահես, այն ժամանակ դու էլ ժ իմ տունը կ’դատես, եւ իմ սրահներն էլ կ’պահես, եւ ես քեզ ընթացք կ’տամ այս կանգնողների մէջ։ 8 Մէկ լսիր, ով մեծ քահանայ Յեսու, դու եւ քո առաջին նստող բարեկամներդ, որ նորանք ի նշանի մարդիկ են. Որովհետեւ ահա ես պիտի բերեմ լ իմ ծառայ՝ խ Շառաւիղին։ 9 Որովհետեւ ահա այն քարը, որ դրել եմ Յեսուի առաջին. ծ մէկ քարի վերայ կ եօթը աչքը կայ, ահա ես փորագրում եմ նորա փորագիրը, ասում է Զօրաց Տէրը, եւ հ այն երկրի անօրէնութիւնը պիտի մէկ օրում վեր առնեմ։ 10 ձ Այն օրը, ասում է Զօրաց Տէրը, դուք միմեանց կ’կանչէք ղ որթի տակը եւ թզենիի տակը։
Զաքարիա 3